Aka na achi mba Serbia bu Boris Tadic ekposaala ndi ulo omebeiwu nke mba ahu,ma na akpo oku maka ime ntuliaka elu na abali iri na otu nke onwa May. 

Yabu onodu daputara n ihi otu ndorondoro ochichi abuo ibiakota onu ma were otu obi na aruoru ekewaputara bu nke kpuru afo n ala n izu uka gara aga, nke onye ndu ha bu prime minister Vojislav Kostunica. 

Ka osina di ndi minister mbaa enwebeghi nkwekorita ma ha aga esi na otu jikoro mba Europe wezuga onwe ha ma mee njeghari iwe ka ufodu ndi otu jikotara mba Europe ghota na mba Kosovo bu mba nweere onwe ya. 

Ndi isiochichi otu jikotara mba Europe mere ka amata na ha nwere olileanya na ndi otundorondoro ochichi sonyere na otu jikotara mba Europe ga eturu ugo na yabu ntuliaka elu. Ha kwukwara na nkea ga eme ka ogbaaghara di n etiti ndi ndorondoro ochichi n mba ahu bia n njedebe