Senate ala Naijiria ekwuola na o ga-ehibekwa otu  komiti ga-elebaghari anya n’iwu ochichi ala naijiria nke afo 1999, n’onwa ozo na-abia abia. 

Osote onyeisi nke ndi uloomebe iwu a bu Chief Ike Ekweremadu kwuputara nkea oge o na-aza ajuju sitere n’aka ndi ntaakuko n’Umuahia isiobodo ke steti Abia.

O kowara na ihe butere igbu oge n’imalite ya bu oru bu maka na ha gbadoro anya n’ihu na e weputara akwukwo bill gbasara uzo a ga-esi mefuo ego nke afo puku abuo na asato, bu nke no ugbua na-eche mbianye aka nke onyeisiala. 

Dika o si kwuo ndi ulo omebeiwu ke steti ga-esonye n’oru ilebagharianya n’iwu a. 

A biakwanu n’ihe gbasara ikewaputakwu steti ndi ozo n’owuwaanyanwu nke ala Naijiria, Chief Ekweremadu kowara na mpaghara ahu ga-enweta ezi osisa n’ihi na ndi senator si mpaghara ahu na-aruko oru onu iji hu na e nweetara nke ahu. 

Ala Naijiria ehibela otu  komiti mba uwa maka omumu banyere sayensi iji kwalite mmepe ala Naijiria.

N’akwukwo ozi nke onu na-ekwuchitere ndi otu a kporo National  Mathematical Centre ma o bu NMC n’aha bekee , bu Njoku Onyekachi kwuru na otu a bu nke onye minister na-ahu maka agumakwukwo bu Dokita Igwe NWACHUKWU hibere siri na nke a ga-abu otu ndumodu nyere NMC. 

Onye minister a kwuru na komiti a bu uzo goomenti no ugbu a jiri choo idozi ihe ndi emetaghi nke oma n’oge gara aga ma mee ka obodo mezuo ihe ha bu n’uche maka afo puku abuo na iri abuo. 

O choputara na etinyere ego na sayensi na nkanuzu bu nke bu isisekpu nti n’inweta ebumnuche nke NEPAD,ya na imejuputa nzube banyere millennium a. Okwuru  na itinye ego na sayensi bu ihe di mkpa maka mba ndi ndi na-emepe emepe. 

Onye minista a kwuru na ala Naijiria choro inwe ntolite, akunuba na mmepe. O kwuru na o di mkpa na a ga-akwalite  ime nkeoma na sayensi na nkanuzu n’ala Naijiria.