Kofi Annan jibu okwa dika onye odeakwukwo ukwu ke otu mba uwa akwasaala ntuputa ndi mmadu na ya nwereike inabata oru ibu onye okpe udo na ogbaaghara ahu na afio n’mpaghara Darfur nke mba Sudan. 

Out ndi isiekwe onwu akporo Justice and Equality Movement (JEM) ekwuola na ha choro ka ha na ochichi mba Sudan noro ihu na ihu kparia maka udo, nke ha siri na o bu Annan ga ano n’isi oche. 

Annan mere ka o doo anya na enweela ndi aka siri ike na eleba yabu okwu anya,nke okwesiri ka ahapu etu ahu. 

Jan eliasson,onye ozi puruiche nke otu mba uwa, na Salim Ahmed Salim nke otu jikotara mba Afirika,bu ha na etinye onu na yabu okwu. 

Mazi Annan mere ka amata nay a agwala Salim, na Eliasson ihe ndi isiekwe onwu ahu kwuru;o gwakwara ha ka ha jide nke ha ji. 

Kemgbe Eliasson na Salim na-agba mbo I kpokota ndi isiekwe onwu a maka mkparita uka udo sooso imerime n’ime ndi isiekwe onwu a kwetara ibiakota onu. 

Ndi mba uwa tara amuosu kowara na ihe ruru nari puku mmadu abuo anwuola kemgbe ogu ahu malitere,ebe nde ndi mmadu abuo na ise bu ndi gbafugoro n’oso ndu.