President mba sudan bu Omar al Bashir na President mba Chad bu Idris Derby etinyela aka n akwukwo maka nkwekorita udo bu nke elewere anya na o ga eme ka ndiagha isiekwe onwu nke mba Chad kwisi iwakpo ndi mba Sudan n mpaghara ebe ha na ndi mba Chad si aga mba ozo.  

Ndi akaebe no mgbe mba abuoa bianyere aka n akwukwo gunyere onye odeakwukwo otu jikoro mba uwa bu Ban Ki-moon na onyeisi otu jikotara ogbako ndi Islam bu Ekmeleddin Ihsanoglu. 

E mere ka amata na site n nkwekorita mba abuoa eji mmeputa mmanu akuchinyere mara,na ha ga ahazighari mmekorita ha,ma wetakwa okwu na uka di n etiti ha n njedebe. 

President mba Kenya bu Mwai Kibaki bu onye ntinye etinyeghariri ya n okwaochichi wetara ogbaaghara n mba ahu ahoputala otu komishonu ga enyocha ntuliakaelu emere n abali iriabuo na asaa nke onwa Decemba. 

N akwukwo ozi si n isi ulooru Kibaki,o kowara na komishonua ga eleba anya n ntuliakaelu niile e mere, okachasi n ntuliakaelu e mere maka nhoputa onye isiala nke mba ahu. 

E mere ka amata na otua ga etinyekwu anya n akwukwo ntuliakaelu di icheiche imata ma ha adabara n usoro,iji mara ma etu okwe siri gbaa e weputara o bukwa nke kwuoto, tinyere nwereonwe nke ulooru na ahazi ntuliaka n mba Kenya na ihe ndiozo. 

Ntuliakaelu ahu e mere n mba Kenya bu nke butere ogbaaghara gburu ihe kariri otu puku ndi mmadu,malitere mgbe educhara kibaki n iyioru dika aka na achi yabu mba,n agbanyeghi ebubo nruruaka di icheiche Raila Odinga boro ya.