Kwamitin
kula da harkokin makamshi da karafa na majalisar wakilan
Nijeriya ya ci gaba da sauraron baasi game da makudan kudin da
tsohuwar gwamnatin kasar ta kashe kan ayyukan lantarki ba tare
da an tabuka wani abin kirki ba.
Mambobin
kwamitin a majalisar wakilai sun bayyana takaicinsu game da bude
tashar lantarki ta wucin gadi a Abuja babban birnin Nijeriya, a
shekarar 1999.
Kazalika
yan majalisar sun nuna takaicinsu game da bayanin da wani jamiin
kamfanin lantarki na kasar Alhaji Shuaibu Maigida ya yi game da
tashar wucin gadin a Abuja.
Shugaban
kwamitin Mr Ndudi Godwin Elumelu ya bayyana takaicin cewa
gwamnatin kasar ta bada fiye da dola miliyan dubu biyu da rabi
ba tare da an yi wani aiki na a zo a gani ba.
Majalisar
dattawan Nijeriya ta umarci kwamitinta mai kula da harkokin
babban birnin Nijeriya Abuja da ya yi binciken sayar da
kaddarorin gwamnati da raba filaye da soke takardun mallakar
filaye da aka yi a yankin Abuja daga shekarar 1999 zuwa yanzu.
Kazalika
kwamitin zai sake duba harkokin da suka shafi babban asibitin
Garki da filin shakatawa na Abuja da kasuwar Wuse da kamfanin
NICON da Otel din Sheraton.
Sauran
kuma su ne hukumar kula da sufuri ta birnin Abuja da hukumar
kula da raya yankin Abuja.
Shugaban
kwamitin kula da harkokin yankin Abuja na majalisar dattawa
sinata Abubakar Sodangi wanda ya gabatar da kudurin a majalisar
ya bayyana cewa bai ji dadin yadda hukumomin baya na babban
birnin Nijeriya Abuja suka gudanar da harkokin birnin ba.
Kwararru a
fanin lantarki dake Nijeriya sun bukaci hadin gwiwa tsakanin
gwamnatin kasar da kamfanoni masu zaman kansu domin
samarwa,sarrafawa da kuma raba makamashi a kasar.
Wannan
mataki na da nasaba da matsalolin lantarki da Nijeriya ke
fuskanta domin amfani da shi a masanaantu da kuma harkokin yau
da kullum.
Masanan
sun lura cewa hadin gwiwar zai inganta fanin lantarki da kuma
bunkasa tattalin arzikin kasar.
Wani mamba
a kwamitin kula da harkokin lantarki na majalisar wakilai Mr
Buraimoh Ajibola,ya ce yan Nijeriya su tallafawa yunkuri na
gwamnati ta hanyar kulawa da kaya da kuma naurorin lantarki dake
fadin kasar.
